Halayen Manzon Allah (s.a.w)Ya kansace abin koyi ne shi a rikon amana da ikhlasi da gaskiya da cika alkawari da kyawawan halaye, da girma, da kyawawna dabi'u, da baiwa, da ilmi, da hakuri, da rangawame, da afuwa, da sadaukantaka, da tsentseni, da takawa, da zuhudu, da baiwa, da adalci, da kaskan da kai, da jihadi. Jikinsa ya kasance kololuwa wajen kyau da kuma daidaito da dacewa, kuma fuskarsa kamar wata ne mai haske da ya cika, kuma zuciyarsa da ruhinsa sun kai matuka wajen kamala, mafi kamalar halaye da ladabi da dabi'a kuma sunnarsa tana haske kamar rana a tsaka-tsakinta. Atakaice, ya tattara dukkan wata dabi'a mai kyau da girma da daukaka da kuma ilimi da adalci da takawa da kuma iya tafiyar da al'amuran duniya da na lahira, wadanda babu wani mahaluki da yake da irinsu. Wannan shi ne annabin musulmi kuma wannan shi ne addinin musulunci, kuma addininsa shi ne mafificin addinai, littafinsa shi ne mafifcin littattafai domin shi: "Barna ba ta iya zo masa ta gabansa da ta bayansa, abin saukarwa ne daga mai hikima abin yabo"[7]. Muhimmancin samuwar wannan annabi mai daraja wanda ya kasance hanyar shiriya ga dukkan talikai da suke bayan kasa ne ya sanya musulmi yin murna da bikin ranar haihuwar manzon Allah (s.a.w) da aka fi sani da mauludi. Hafiz Muhammad Sa'id hfazah@yahoo.com www.hikima.org Saturday, July 31, 2010 [1] Ali imrana: aya: 85. [2] Duba tarihul alam mujalladi na 1-2. Da Muhammad wal Kur'ani. Da Bakatun adira fi ahwali khatimin nabiyyin. Da siratul fawaha. [3] Alaki, aya: 1-5. [4] Manakib, mujalladi 1, shafi na 56. [5] Kashful gumma, mujalladi 2, shafi: 537, fasali 4, babi 5. [6] Kashful gumma, mujalladi 2, shafi: 537, fasali 4, babi 5, surar ma'ida: aya: 3. [7] Fusilat, aya: 42.
|